Sangeet Natak Academy Sponsored Play “ভগৱদজ্জুকম্” Performed in Furkating College
সংগীত নাটক অকাডেমীৰ পৃষ্ঠপোষকতাত, ফৰকাটিং মহাবিদ্যালয়ৰ সহযোগত, ৰঙ্গালয়, পুৰণিগুডামৰ নিবেদন মহাকবি বোধায়নৰ সংস্কৃত নাট “”ভগৱদজ্জুকম্”” যোৱা ১০/০৬/২০১৯ তাৰিখে ফৰকাটিং মহাবিদ্যালয় প্ৰেক্ষাগৃহত মঞ্চস্হ হয়৷ নাটকখনৰ অসমীয়া অভিযোজনা মৃণাল কুমাৰ বৰাৰ আৰু পৰিকল্পনা আৰু পৰিচালনা অঞ্জল বৰাৰ৷
নাট্যসন্ধ্যাত মহাবিদ্যালয়ৰ অধ্যক্ষ ড° অপূৰ্ব শইকীয়াকে প্ৰমুখ্য কৰি ফৰকাটিং মহাবিদ্যালয়ৰ পৰিবেশ্য কলা পাঠ্যক্ৰমৰ সংযোজক তৰুণ শইকীয়াৰ লগতে আন কেইবাগৰাকীও প্ৰৱক্তা উপস্থিত থাকে৷ তদুপৰি ফৰকাটিং অঞ্চলৰ ভালেসংখ্যক নাট্যপ্ৰেমী দৰ্শকৰ লগতে মহাবিদ্যালয়ৰ ছাত্ৰ-ছাত্ৰী আৰু প্ৰাক্তন ছাত্ৰ-ছাত্ৰীৰ উপস্থিতিয়ে সৌষ্ঠৱ বঢ়ায়৷
নাটক আৰম্ভনিৰ প্ৰাকমুহূৰ্তত উক্তদিনা পৰলোকগামী হোৱা বিশিষ্ট নাট্যশিল্পী, অভিনেতা ,পদ্মভূষণ, পদ্মবিভূষণ গিৰিশ কাৰ্নাডক সুঁৱৰি এখন শোকসভা অনুষ্ঠিত হয়৷ সেই সভাত মৃণাল কুমাৰ বৰাই গিৰিশ কাৰ্নাডৰ কৰ্মৰাজিৰ বিষয়ে বিৱৰি কয়
